मडगाव : फॉर्मेलीन माफिया मौलाना इब्राहिम याला हाताशी धरून दिगंबर कामत आणि मायकल लोबो मला बाणावलीत पराभूत करण्याची स्वप्ने रंगवत आहेत. मात्र बाणावलीकरावर माझा भरोसा आहे. तेच मला पुन्हा निवडून देतील असा विश्वास बाणावलीचे आमदार चर्चिल आलेमाव (Churchill Alemao) यांनी व्यक्त केला.
गोव्यात लोकांना फॉर्मेलीन मुक्त मासळी मिळावी यासाठी 2018 मध्ये मी त्याविरुद्ध आवाज उठविला होता. त्यामुळे इब्राहिम माझ्यावर नाराज आहेत. त्यासाठीच त्यांनी दिनेश गुंडू राव यांना हाताशी धरून आपल्या मर्जीतील टोनी डायस यांना उमेदवारी दिली. आता कोलवा येथे फिरून हाच इब्राहीम चर्चिलला पाडा असे सांगत फिरत आहे असा आरोप केला.
मात्र बाणावलीचे मतदार त्याला बळी पडणार नाहीत. ही माझी शेवटची निवडणूक (Election) असून माझे बाणावलीकर खंबीरपणे माझ्या पाठीशी उभे राहतील असा विश्वास त्यांनी व्यक्त केला.
किनारपट्टी नियोजन आराखडा विरोधी आंदोलनाचे नेते रॉय बार्रेटो यांच्याबरोबर घेतलेल्या पत्रकार परिषदेत सरकारने मच्छिमारांना घरे बांधण्यासाठी कुटुंबाचे सर्वेक्षण करून अनुमती द्यावी. पूर्वीच्याच जागेत घर बांधण्याची सक्ती करू नये अशी मागणीही त्यांनी केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
