Amit Patkar On RG: रिव्होल्युशनरी गोवन पक्ष हा भाजपची 'बी' टीम; मनोज परब यांनी याबाबत स्पष्ट बोलावे...

Amit Patkar On Revolutionary Goan party : काँग्रेसचे प्रदेशाध्यक्ष अमित पाटकर यांनी रिव्होल्युशनरी गोवन हा पक्ष आणि त्या पक्षाचे अध्यक्ष मनोज परब यांच्यावर टीका केली आहे. आरजी पक्ष हा गोव्यातील भाजपची बी टीम आहे.

त्यांचे त्यांना स्पष्ट नाही ते सत्ताधाऱ्यांच्या बाजुने आहेत की विरोधकांच्या, अशा शब्दांत पाटकर यांनी रिव्होल्युशनरी गोवन पक्षावर टीका केली आहे.

पाटकर म्हणाले की, रिव्होल्युशनरी गोवन पक्ष हा सत्ताधाऱ्यांच्या विरोधात आहे, असे भासवले जाते. पण तसे नाही. रिव्होल्युशनरी गोवन हा पक्ष गोव्यातील भाजपची बी टीम आहे. ते सत्ताधारी भाजपसाठीच काम करत आहेत.

आरजी चे अध्यक्ष मनोज परब यांनाच अद्याप स्पष्टता आलेली नाही. त्यामुळे ते ना धड विरोधकांचे काम व्यवस्थित करत आहेत ना सत्ताधाऱ्यांच्या बाजुने आहे. त्यांनी समोर येऊन ते नक्की कुणाच्या बाजुला आहेत हे त्यांनी स्पष्ट केले पाहिजे.

त्यांनी सांगावे की ते सत्ताधाऱ्यांच्या बाजुने आहेत की विरोधकांच्या बाजुने, असे आव्हान पाटकर यांनी दिले.