Verna Police: दुचाकी चोरणाऱ्या 2 युवकांना अटक; दोघेही परप्रांतीय

Verna Police Arrested Scooter Thief: वेर्णा पोलिसांनी दोघा परप्रांतीय दुचाकी चोरट्यांना अटक केली आहे. सोहेल फिरोज शेख (वय 19), बलराम शंकर दास (वय 22) अशी त्यांची नावे आहेत. त्यांच्याकडून तीन दुचाकीही जप्त करण्यात आल्या आहेत.

यापैकी शेख हा मूळचा कर्नाटकचा आहे. तर दास हा मूळचा पश्चिम बंगालमधील कोलकात्याचा आहे.

सध्या हे दोघेही संशयित वेर्णा येथे राहत होते. त्यांनी विविध ठिकाणांहून तीन दुचाकी चोरल्या होत्या. पैकी 02 अॅक्सेस आणि 1 अॅक्टिव्हा आहे. या तिन्ही गाड्या पोलिसांनी जप्त केल्या आहेत.

गेल्या काही दिवसांपासून पोलिस या चोरट्यांच्या मागावर होते. त्यासाठी वेर्णा पोलिसांनी एक पथक स्थापन केले होते. पोलिसांनी पाळत ठेऊन, सापळा रचून या संशयित चोरट्यांना पकडल्याची माहिती आहे. त्यांच्याकडे इतरही दुचाकी चोऱ्यांबाबत पोलिस तपास करत आहेत.