मयेत काँग्रेस असंतुष्टांनी स्थापन केले 'मये प्रोग्रेसिव्ह फ्रंट'

मयेत काँग्रेसला सोडचिठ्ठी दिलेल्या कार्यकर्त्यांनी आता वेगळी 'चूल' मांडली
Congress
Congress Dainik Gomantak
Published on
Updated on

डिचोली: मयेची जागा युतीच्या गोवा फॉरवर्डला सोडण्यात आल्याने नाराज झालेल्या आणि काँग्रेसला सोडचिठ्ठी दिलेल्या कार्यकर्त्यांनी आता वेगळी 'चूल' मांडली आहे. या असंतुष्ट कार्यकर्त्यांनी 'मये प्रोग्रेसिव्ह फ्रंट'ची स्थापना केली असून, मयेतून निवडणूक लढविण्याचा निर्णय घेतला आहे. काँग्रेसच्या (Congress) उमेदवारीवर निवडणूक लढविण्याची तयारी केलेले आणि युतीमुळे संधी हुकलेले ॲड. अजय प्रभूगावकर यांना निवडणुकीत उतरविण्याचे या फ्रंटने ठरवले आहे. (Mayem Congress Latest News)

Congress
वाळपईत कॉंग्रेसपुढे बंड शमवण्याचे आव्हान

सोमवारी डिचोलीत घेतलेल्या पत्रकार परिषदेत अन्य कार्यकर्त्यांच्या उपस्थितीत या गटाचे नेते तथा पिळगावचे माजी सरपंच दिलीप गावस यांनी याबाबत घोषणा केली. कार्यकर्त्यांच्या आग्रहामुळेच हा निर्णय घेतल्याचेही गावस यांनी सांगितले. यावेळी पिळगावचे माजी सरपंच बाबाजी प्रभूगावकर, राजेश गावकर, विनोद धुरी, अजय नाईक, जान्हवी धुरी, फर्जना हरिजन, उज्वला प्रभूगावकर, रूपा हरिजन आदी कार्यकर्ते उपस्थित होते.

Congress
म्हापसा डिटेन्शन सेंटरमध्ये कर्मचाऱ्यांना कोंडून ठेवण्याचा प्रयत्न

मयेतून अपक्ष म्हणून निवडणूक (Election) लढविण्यासाठी ॲड. अजय प्रभूगावकर यांना मये सिटीझन्स प्रोग्रेसिव्ह फ्रंटतर्फे प्रस्ताव देण्यात येणार असून, ते निवडणूक लढविण्यास तयार होतील, अशी आशा विनोद धुरी आणि अजय नाईक यांनी व्यक्त केली.

मये गट काँग्रेसमध्ये फूट

ॲड. अजय प्रभूगावकर यांनी मयेत (Mayem) काँग्रेसतर्फे निवडणूक लढविण्याची तयारी केली होती. पक्षश्रेष्ठींनीही त्यांना पसंती दिली होती. मात्र मयेची जागा युतीच्या गोवा फॉरवर्डला सोडण्यात आल्याने त्यावर नाराजी व्यक्त करून, काँग्रेसचे जिल्हा समिती सदस्य दिलीप गावस, राजेश गावकर यांच्यासह कार्यकर्त्यांनी काँग्रेसला सोडचिठ्ठी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com