धावत्या बसमधून थुंकल्याने महाराष्ट्राच्या बसमधील बस कंडक्टरसह प्रवाशाला मारहाण केल्याप्रकरणी कोलवाळ पोलिसांनी थिवी रहिवाशावर गुन्हा नोंद केला.
महाराष्ट्र राज्य मार्ग परिवहन बसचा कंडक्टर तथा रहिवासी असलेल्या ज्ञानेश्वर मुंडे यांनी थिवीच्या रहिवाशाविरुद्ध याप्रकरणी तक्रार दिली.
संशयिताने बसमधील बंदन सुरेंद्र (झारखंड) या प्रवाशाला व आपल्याला मारहाण केली असे फिर्यादीने तक्रारीत म्हटले आहे. ही घटना बुधवारी दुपारी १२च्या सुमारास घडली.
पोलिसांच्या माहितीनुसार, धावत्या बसच्या खिडकीतून थुंकल्याने ती संशयिताच्या अंगावर पडली. ज्यामुळे संतप्त संशयिताने बस थांबवून बसमध्ये प्रवेश केला व संबंधित संशयिताला तसेच बस कंडक्टरला मारहाण केली. याप्रकरणी कोलवाळ पोलिसांनी भादंसंच्या कलम ३५३, ३२३ अन्वये गुन्हा नोंदवला. सुदेश घाडी असे संशयिताचे नाव आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
