परीक्षा ऑफलाइनचं गणवेशाचं बंधन नाही, वेळेतही सवलत

शिक्षण संचालनालयाने आज एक परिपत्रक जारी करून शाळांना परीक्षा केवळ ऑफलाइन पद्धतीनेच घेतल्या जातील असा आदेश दिला आहे. या व्यतिरिक्त परिपत्रकात असेही नमूद केले आहे की आवश्यक असल्यास सुरुवातीच्या दिवसांसाठी विद्यार्थ्यांना वेळेत सवलत दिली जाऊ शकते.

तसेच शालेय गणवेशाचा आग्रह धरता येणार नाही, असेही परिपत्रकात पुढे म्हटले आहे. सोमवार, 21 फेब्रुवारीपासून इयत्ता पहिली ते बारावीच्या विद्यार्थ्यांसाठी शाळा सुरू होणार आहेत. संपूर्ण देशभरात कोरोना रुग्णसंख्येत घट होत आहे. याच पार्श्वभूमीवर अनेक राज्ये आणि केंद्रशासित प्रदेशांमध्ये शाळा आणि महाविद्यालये पुन्हा सुरू करण्यात येत आहेत. गोवा सरकारने 21 फेब्रुवारीपासून सर्व शाळा (Schools) सुरू करण्याचे आदेश दिले आहेत. राज्यात इयत्ता 1 ते 12 पर्यंतचे ऑफलाइन वर्ग पुन्हा सुरू होतील. गोव्यात कोविड-19 च्या (Corona) रुग्णांमध्ये घट होत असल्यामुळे हा निर्णय घेण्यात आला आहे.