CM Pramod Sawant : एकाित्मक शेतीकडे युवकांनी वळावे

CM Pramod Sawant : राज्यातील सर्व प्रकारच्या पिकांना बाजारपेठ मिळवून देण्याची जबाबदारी ही सरकारची आहे. त्यासाठी विशेषतः युवकांनी आपली नोकरी सांभाळत शेतीकडे लक्ष द्यावे. सामाजिक तसेच एकत्रित शेतीची संकल्पना सरकारने उपलब्ध करून दिली आहे, असे आवाहन मुख्यमंत्री प्रमोद सावंत यांनी हरवळे येथे केले.

हरवळेत स्वयंपूर्ण गोवा अंतर्गत उपजिविका कार्यक्रम झाला. सरपंच अंकुश मळीक, लुपीन फाऊंडेशन प्रा. ली. चे सीएसआर साईट हेड श्रीनिवास कालाकुनटका, सल्लागार समीतीचे अध्यक्ष के. प्रकाश, स्वयंपूर्ण मित्र सतीश वागोणकर, पंचसदस्य राजू मळीक, नंदिनी नाईक, संजय नाईक, प्रजानन नाईक बोरकर उपस्थिती होते.

खासगी नोकऱ्यांची संधीही स्वीकारा

आज विविध गोष्टींसाठी इतर राज्यांवर अवलंबून आहे. सरकारी मदत, कुशलता, सुपीक जमीन असूनही लोकांचा पैसा बाहेर जात आहे. ही बाब गांभीर्याने विचार करण्यासारखी असून स्वयंपूर्ण गोवा संकल्पानेखाली विविध प्रकारची पिके घेण्याची तयारी ठेवावी.

सरकारी नोकरीप्रमाणेच खासगी नोकरदारांनीही सोयी सुविधा देण्याचा नियम अंमलात आणला आहे. त्यासाठी केवळ सरकारी नोकरीचाच हट्ट न धरता खासगी नोकरीची संधी स्वीकारा, असे आवाहनही यावेळी मुख्यमंत्री डॉ. सावंत यांनी केले.