हायकोर्टाच्या निर्णयाचे भाजपकडून स्वागतच

गोवा: भाजपमध्ये प्रवेश केलेल्या 12 आमदारांविरुद्ध काँग्रेस आणि एमजीपीने दाखल केलेले अपील फेटाळल्याबद्दल प्रतिक्रिया व्यक्त करताना मुख्यमंत्री प्रमोद सावंत यांनी प्रतिक्रिया दिली. बदनामी करण्याच्या मोहिमेवर लोकशाही आणि लोकतंत्र जनादेशाचा विजय झाला आहे, असा दावा मुख्यमंत्री प्रमोद सावंत यांनी केला.

ते पुढे म्हणाले “मी निर्णयाचे स्वागत करतो. भाजप विधिमंडळ पक्षात 12 आमदारांच्या विलीनीकरणाविरोधात काँग्रेस आणि एमजीपीने (Goa MGP) दाखल केलेले अपील उच्च न्यायालयाने फेटाळून लावले. आणि बदनामी करण्याच्या या मोहिमेवर लोकशाही आणि घटनात्मक जनादेशाचा विजय झाला आहे!,” असे सावंत म्हणाले.

आमदार अपात्रता याचिका हायकोर्टाने फेटाळल्यानंतर राज्यातील अनेक स्तरातून प्रतिक्रिया उमटत आहेत. दरम्यान भाजप कडुन नरेंद्र सावाईकर यांची देखील प्रतिक्रीया समोर आलेली आहे. "अपात्रतेची मागणी करणाऱ्या काँग्रेस (Goa Congress) आणि एमजीपीच्या याचिका फेटाळून लावण्याच्या निर्णयाचे मी स्वागत करतो. निकाल देताना माननीय न्यायाधीशांनी दिलेल्या निकालामध्ये तरतूद, विभाजन, विलीनीकरण, पूर्ण खंडपीठाच्या निकालाचा परिणाम आणि इतर निकाल या सर्व मुद्द्यांचा विचार करण्यात आला आहे. या पुढे जाऊन मत द्यायचे झाल्यास मला निकाल पुर्ण निकाल पहावा लागेल आवडेल. असे मत गोवा भाजपचे (Goa BJP) सरचिटणीस नरेंद्र सावाईकर यांनी मांडले