Pramod Sawant: आता भाजपचे लक्ष्य २७ प्लस

लोकसभा निवडणुकीत दक्षिण गोव्यात विजय मिळाला म्हणून विरोधक आता २०२७ सालच्या विधानसभा निवडणुकीमध्ये विजय मिळविण्याची स्वप्ने पाहू लागले आहेत. पण वस्तुस्थिती वेगळी आहे. लोकसभा निवडणुकीत भाजपला २७ मतदारसंघांत आघाडी मिळाली आहे. जर आम्ही व्यवस्थित व्यूहरचना आखली तर २०२७ सालच्या निवडणुकीत २७ पेक्षा जास्त जागा जिंकणे शक्य आहे, असे प्रतिपादन मुख्यमंत्री डॉ. प्रमोद सावंत यांनी आज मडगावात केले.

‘धन्यवाद मतदार, अभिनंदन मतदार’ कार्यक्रमात ते बोलत होते. या कार्यक्रमात ५० हून अधिक मतदारांचा सत्कार करण्यात आला. मतदारांनी मते दिली म्हणून आम्ही दोन लाखांपेक्षा जास्त मते मिळवू शकलो. सासष्टीतील सहा मतदारसंघांत जी मते विरोधकांना मिळाली, ती आम्हाला इतर मतदारसंघांत भरून काढता आली नाहीत, असेही मुख्यमंत्र्यांनी यावेळी सांगितले.