हणजूणमधे 175 आस्थापने सील करण्याची प्रक्रिया सुरू आहे. पंचायतीच्या या प्रक्रियेविरूद्ध काल सोमवार (ता. 19) हणजूण ग्रामस्थांनी 'हणजूण गाव बंद' पाळला होता. यासंदर्भात आमदार मायकल लोबोंनी काल ग्रामस्थांना भेटून त्यांची समजूत काढण्याचा प्रयत्न केला. तसेच आपण मुख्यमंत्र्यांशी यावर बोलणार असल्याचे आश्वासन दिले.
आज मंगळवारी मुख्यमंत्र्यांची भेट घेतली. यावेळी मुख्यमंत्र्यांनी माध्यमांशी बोलताना सांगितले की, स्थानिक पंचायत सचिवांनी चुकीची नोटीस जारी केली आहे. ज्यांच्याकडे सर्व कायदेशीर कागदपत्रे आणि जे कायदेशीर व्यवसाय चालवितात त्यांना काहीच धोका नाही. लोकांनी घाबरून जाण्याची गरज नाही. सरकार त्यांच्यासोबत आहे.
तसेच उच्च न्यायालयाच्या या निर्णयावर गोवा सरकार सर्वोच्च न्यायालयात याचिका दाखल करणार आहे. पंचायत सचिवांनी चूक केल्याचे मुख्यमंत्र्यांनी यावेळी स्पष्ट केले.
दरम्यान, सरकारने या कायदेशीर कचाट्यातून ग्रामस्थांच्या सुटकेसाठी नियमांत विशेष दुरुस्ती करावी. सध्या ग्रामस्थ एकवटले असून सरकारने संयमाचा अंत पाहू नये. तसेच लोकसभा निवडणुकीपूर्वी यावर तोडागा काढावा, अन्यथा किनारी भागांत भाजप विरोधात प्रचार करू, असा सज्जड इशारा संतप्त आंदोलकांनी सरकारला दिला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.