जुने गोवे बगल रस्त्यालगत बांधण्यात येणाऱ्या गोवा भाजप मुख्यालयाच्या नव्या सुसज्ज इमारतीचा कोनशिला समारंभ संपन्न झाला. महाराष्ट्राचे उपमुख्यमंत्री देवेंद्र फडणवीस यांच्या उपस्थितीत हा समारंभ पार पडला. यावेळी गोव्याचे विद्यमान मुख्यमंत्री डॉ. प्रमोद सावंत यांच्यासह गोवा भाजप प्रदेशाध्यक्ष सदानंद शेट तानावडे, केंद्रीय मंत्री श्रीपाद नाईक, मंत्री, आमदार आणि प्रमुख पदाधिकाऱ्यांनी हजेरी लावली.
भाजप गोवा मुख्यालयाच्या नव्या सुसज्ज इमरतीचा कोनशिला समारंभ संपन्न झाल्यानंतर गोव्याचे मुख्यमंत्री डॉ. प्रमोद सावंत यांनी आपल्या भाषणातून महाराष्ट्राचे उपमुख्यमंत्री देवेंद्र फडणवीस यांची आपल्या खास अंदाजात उपस्थितांना ओळख करुन दिली. मुख्यमंत्री सावंत म्हणाले की, ''लाडक्या बहिणींचे देवा भाऊ...''
आज (24 ऑगस्ट) गोवा भाजप प्रदेश कार्यालयाच्या नव्या सुसज्ज इमारतीचा पायाभरणी सोहळा संपन्न झाला याचा खूप आनंद आहे. आपलं कार्यालय हे आपल्यासाठी आपलं घर असतं. मी प्रदेशाध्यक्ष आणि मुख्यमंत्र्यांसह संपूर्ण गोव्याच्या टीमचे अभिनंदन करतो, असे पायाभरणी समारंभानंतर देवेंद्र फडणवीस म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.