'गोव्यात अनुसूचित जाती आणि जमातींच्या विकासासाठी 'रोड मॅप' तयार करणार'

पणजी : अनुसूचित जाती आणि जमातींच्या विकासासाठी 'रोड मॅप' तयार करून त्याची अंमलबजावणी केली जाईल, अशी घोषणा मुख्यमंत्री प्रमोद सावंत यांनी केली आहे. गोवा राज्य अनुसूचित जाती आणि जमाती आयोगाच्या नवीन कार्यालयाचे उद्घाटन मुख्यमंत्री डॉ. प्रमोद सावंत यांच्या हस्ते आज करण्यात आले. यावेळी त्यांनी विविध विषयांवर भाष्य केलं.

गोव्यात भाजपचं सरकार पुन्हा सत्तेत आल्यानंतर मुख्यमंत्र्यांसह सर्वच मंत्र्यांनी कामाचा धडाका लावला आहे. त्यातच विविध समुदायांना भाजपशी बांधून ठेवण्यासाठी गोवा सरकारकडून विशेष प्रयत्नही केले जात आहेत. याचाच एक भाग म्हणून अनुसूचित जाती आणि जमातींच्या आयोगाच्या कार्यालयाचं उद्घाटन करण्यात आलं आहे. या कार्यक्रमाला सभापती रमेश तवडकर आणि आयोगाचे अध्यक्ष दीपक करमलकर उपस्थित होते.