Nesai Murder Case: अख्तर रजा खून प्रकरणाचा 24 तासात पर्दाफाश !

मडगाव: दिकरपाली येथील मासे विक्रेता अख्तर रजा खुनाचा अवघ्या 24 तासात छडा लावल्याने आज राय येथील नागरिकांनी निरीक्षक गावडे यांचा सत्कार करण्यात आला. गावडे यांनी केलेले हे कार्य कौतुकास्पद असल्याचे यावेळी भाजप नेते अँथनी बार्बोजा यांनी म्हटले. (Citizens felicitated the police in akhtar raza murder case )

अख्तर रजा याचा मागच्या सोमवारी खून केला होता. त्याचा मृतदेह कुजलेल्या अवस्थेत गुरुवारी नेसाय कालव्याच्या बाजूला आधळून आला होता. हा मृतदेह कुजल्याने त्याचा चेहरा ओळख पटविण्यासारखा उरला नसताना फक्त त्याने घातलेल्या चापलावरून त्याची ओळख पटली होती. हा खून कुणी केला याचा कुठलाही मागमूस नसताना केवळ सीसीटीव्ही कॅमेऱ्याने टिपलेल्या छबीच्या आधारे पोलीस खून्यापर्यंत पोहोचले होते. याच पुराव्याच्या आधारे पोलिसांनी खुन्याला अटक केली होती.

यावर बार्बोजा म्हणाले, ही अगदी ब्लाइंड केस होती पण गावडे व त्यांच्या अन्य सहकाऱ्यांनी ती सोडवून दाखवली. त्यामुळे गावडे यांचे कौतुक करावे तेवढे थोडेच आहे पण अशा कर्तबगार पोलीसांची नेमणूक करून कायदा व सुव्यवस्था नियंत्रणात ठेवणारे गृहमंत्री आणि मुख्यमंत्री प्रमोद सावंत हेही कौतुकास पात्र आहेत. यावेळी डॉ. स्नेहा भागवत व व्हींसी क्वादृश यांनीही निरीक्षक गावडे व इतरांचे कौतुक केले.