Chlorine Gas Leak At Assonora Water Treatment Plant: डिचोली तालुक्यातील अस्नोडा जलशुद्धीकरण प्रकल्पात सलग दुसऱ्या दिवशी शुक्रवारी क्लोरीन वायुची गळती झाली. अग्निशमन दलाला याबाबत माहिती देण्यात आली असून डिचोली अग्निशमन दलाच्या जवानांनी घटनास्थळी धाव घेतली आहे.
दरम्यान, गुरूवारी देखील येथे क्लोरिन वायुची गळती झाली होती. तसेच मंगळवारी देखील वायू गळती झाली होती. वारंवार असे प्रकार घडत असल्याने येथील सुरक्षिततेचा प्रश्न ऐरणीवर आला आहे.
गुरूवारी ‘क्लोरीन’ वायूने भरलेल्या सिलिंडरमधून गॅसची गळती झाली. कॉक मोडल्याने त्यातून गॅस गळती होत असल्याचे निदर्शनास आले होते. डिचोली अग्निशमन दलाचे जवान तसेच तज्ज्ञांच्या पथकाने शर्थीचे प्रयत्न करुन गॅसची गळती नियंत्रणात आणली होती.
त्यामुळे संभाव्य दुर्घटना टळली. पण, त्यासाठी अग्निशमनच्या जवानांना पाचहून अधिक तास प्रयत्न करावे लागले होते. क्लोरीन मुळे परिसरातील झाडेझुडपे करपून गेली होती. गुरूवारी अग्निशमन दलातर्फे खोर्ली येथील ‘डीक्केन’ केमिकल्सच्या तज्ज्ञ पथकाला बोलावले होते. या पथकाला साडे तीनच्या सुमारास गॅस गळती रोखली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
