Goa News: गेली अनेक वर्षे सरकारी शाळांना गृहित धरून खासगी शाळांवर अधिक लक्ष केंद्रीत करण्यात आले होते. या प्रकारामुळे सरकारी शाळा बंद पडत होत्या. सरकारी शाळांमधील विद्यार्थी अनुदानित शाळेत पाठविण्याचा ट्रेंड वाढला होता. परंतु मागील ५ वर्षांपासून हा ट्रेंड बदलला असून सरकारने साधनसुविधा तसेच इतर बाबी पुरविण्यात सरकारी शाळांना प्राधान्य दिले आहे, असे प्रतिपादन मुख्यमंत्री डॉ. प्रमोद सावंत यांनी केले.
ते इन्फोसिस स्प्रींगबोर्ड लि. द्वारे विद्यार्थ्यांना स्मार्ट डिवायस टॅबच्या वितरण सोहळ्यात बोलत होते. यावेळी इन्फोसिसचे संतोष अनंतपुरा, शिक्षण सचिव प्रसाद लोलयेकर, शिक्षण संचालक शैलेश झिंगेडे, गोवा समग्र शिक्षा कार्यक्राचे संचालक डॉ. शंभू घाडी उपस्थित होते.
मुख्यमंत्री डॉ. सावंत म्हणाले, ज्यावेळी सरकारी शाळांमध्ये मोठ्या प्रमाणात साधनसुविधा वाढविल्या आहेत, अत्याधुनिक तंत्रज्ञान, डिवायस पुरविले आहेत. त्यानुसार शिक्षकांना सरकारी शाळा कशा विद्यार्थ्यांसाठी चांगल्या आहेत, हे पटवून देत पटसंख्या वाढविण्याचा प्रयत्न केला पाहिजे. इंफोन्सीसद्वारे जे ऑनलाईन विविध कोर्स शिकविले जाणार आहेत ते विद्यार्थ्यांच्या कौशल्यात वाढ करण्यासाठी महत्त्वपूर्ण ठरणार असल्याचे त्यांनी सांगितले.
इन्फोसिस स्प्रिंगबोर्ड उपक्रमांतर्गत विद्यार्थ्यांना स्प्रिंगबोर्ड टॅब्लेटचे वाटप केले. हे टॅब्लेट इंग्रजी आणि गणित, विज्ञान तसेच विविध भारतीय भाषांमधील अभ्यासक्रम आहेत. यासोबतच इतर डिजिटल टेक्नॉलॉजी, कॉम्पुटर सायन्स आदी अभ्यासक्रम उपलब्ध आहेत. जे विद्यार्थ्यांच्या कौशल्यात वाढ करण्यासाठी मदत करतील. कंपनी सामाजिक बांधिलकी उपक्रमांतर्गत राज्यातील ५० ग्रामीण शाळांमध्ये १५०० टॅब्लेटचे वाटप करण्यात आले असून इयत्ता ६ वी ते १० वी पर्यंतच्या विद्यार्थ्यांना आठवड्यातून किमान एक तास ऑनलाईन अभ्यासक्रम शिकण्यास प्राधान्य देण्यात येणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.