Shivrajyabhishek Din 2023 : शिवशाहीत कोणताही भेदभाव नव्हता : आर्लेकर

छत्रपती शिवरायांच्या राज्यात कुठलाही भेदभाव नव्हता, त्यांनी सर्वांना एकत्र आणले होते. त्यांचा हा आदर्श आपण ठेवला पाहिजे. आम्हीही समाजात कुठलाही भेदभाव न करता एकत्रित गुण्यागोविंदाने राहिले पाहिजे. महाराजांचे केवळ पाच टक्के गुण जरी आम्ही आत्मसात केले, तरी आम्ही शिवरायांचे कार्य पुढे नेत आहोत, असे समजावे, असे प्रतिपादन आमदार प्रवीण आर्लेकर यांनी कोरगाव येथे शिवराज्याभिषेकदिनी केले.

जिल्हा पंचायत सदस्य रंगनाथ कलशावकर, सतीश शेटगावकर, उपसरपंच कल्पिता कलशावकर, अब्दुल नाईक, अनुराधा कोरगावकर, देविदास नागवेकर, दिवाकर जाधव, लौकिक शेटये, उमेश च्यारी, नीता नर्से सुदन बर्वे, पेडणे उपजिल्हाधिकारी दीपक वायंगणकर, मामलेदार अनंत मळिक, कोरगाव ग्रामपंचायतीचे सरपंच समीर भाटलेकर, शिवाजी समारोह समितीचे अध्यक्ष उल्हास देसाई, एल. बी. गावडे, कृष्णा गावडे आदी मान्यवर उपस्थित होते.

उपजिल्हाधिकारी दीपक वायंगणकर म्हणाले, शिवाजी महाराज केवळ महाराष्ट्रापुरते मर्यादित नसून गोव्यासाठीही त्यांचे मोठे योगदान आहे.