मोपा: रशियामधून गोव्यातील मनोहर आंतराष्ट्रीय विमानतळावर आलेल्या पहिल्या थेट एरोफ्लॉटमुळे राज्यात चार्टर हंगाम सुरु झाला आहे. रशियामधून आज सकाळी ८ आणि ९ च्या सुमारास ३५० प्रवासी घेऊन ही विमानं मोपा येथे उतरली.
पैकी पहिल्या विमानात २१० पर्यटक होते आणि दुसऱ्या विमानात १३९ पर्यटकांचा समावेश होता. परदेशातून आलेल्या या विमानांमुळे गोव्यात खऱ्या अर्थाने पर्यटनाचा हंगाम सुरु झाला आहे.
ऑक्टोबर महिन्यात अशा पाच साप्ताहिक विमानसेवेची सोय करण्यात आली आहे आणि गरजेनुसार ही सेवा वाढवून दर आठवड्याला सहा देखील केली जाऊ शकते. गोव्यात ही विमानं मॉस्को आणि येकातेरिनबर्गहून आली आणि या विमानसेवेचे व्यवस्थापन काँकॉर्ड एक्झोटिक व्हॉयेजेस (I) प्रायव्हेट लिमिटेड यांच्याकडून पहिले जाते.
पर्यटन हंगामात चार्टर विमानसेवा सर्वाधिक उपलब्ध असते. चार्टर सेवेतून दिली जाणारी विमानसेवा दररोजच्या विमानसेवेचा भाग नसते. एखाद्या विशिष्ट प्रवासासाठी या विमानांची सोय केली जाते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.