स्टेशन उभारणीला कोकण रेल्वे महामंडळाकडून प्राधान्य

फातोर्डा: मडगाव येथील कोकण रेल्वे स्टेशनच्या गाड्या पार्किंग करण्यात येत असलेल्या जागेवर विजेवर चालणाऱ्या वाहनांसाठी चार्जिंग स्टेशन स्थापन करण्यासाठी कोकण रेल्वे महामंडळाकडून निविदा मागविण्यात येणार असल्याची कोकण रेल्वेचे जनसपंर्क अधिकारी बबन घाटगे यांनी सांगितले.

(charging station will be set up in the parking space of the Margaon railway station)

पेट्रोल-डिझेलचे दर दिवसेंदिवस वाढत असल्याने इलेक्ट्रिक वाहन घेण्याकडे ग्राहकांचा कल वाढत चालला आहे. आणि सध्या देशात इलेक्ट्रिक वाहनांची मागणी वाढते आहे. इलेक्ट्रिक वाहनांच्या वापरासाठी पायाभूत सुविधा उभारणीला चालना देण्यासाठी केंद्र सरकारकडून विविध योजना राबवल्या जात आहेत. त्यातच तर अद्यापही काहीजण हे वाहन खरेदी करताना शहरांमध्ये चार्जिंग स्टेशन आहे का, याचाही विचार करताना दिसत आहेत.

इलेक्ट्रिक स्कूटर आणि कारचा ग्राहक मोठ्या संख्येने वाढत आहे. कोकण रेल्वे स्टेशनवर अनेक प्रवाशी येत असतात. त्यांच्या गाड्यांसाठी हे चार्जिंग स्टेशन महत्वाचे असणार आहे. पर्यावरणाच्या सुरक्षेचा विचार करूनही अनेकजण इलेक्ट्रिक वाहने घेण्यास प्राधान्य देतात. त्यामुळे येणारा काळ हा या वाहनांचा असणार असल्याने हे स्टेशन उभारणीला कोकण रेल्वे महामंडळाकडून प्राधान्य देण्यात आले असल्याचे बबन घाटगे यांनी माहिती देताना सांगितले.