Chardham Yatra : सायकलवरून चारधाम यात्रा; बिहारमधील युवकाचा संकल्प

Chardham Yatra : डिचोली, बिहार येथील एका युवकाने सायकलवरून चारधाम यात्रा करण्याचा संकल्प केला असून काल हा युवक डिचोली शहरात पोचला.

कर्नाटकमार्गे गोव्यात आल्याची माहिती त्याने दिली. बिहारमधील छापरा जिल्ह्यातील या युवकाचे नाव रुपेश राज ठाकूर असे आहे.

गेल्यावर्षी २८ ऑगस्ट रोजी बिहार येथून मी सायकल यात्रेला प्रारंभ केला असून साडेपाच महिन्यांहून अधिक दिवसांपासून मी सायकलवरून भ्रमंती करीत आहे, असे या युवकाने सांगितले. ‘झाडे लावा, जीवन जगा’ असा संदेश देणारा फलकही त्याने आपल्या सायकलवर लावला आहे. माझी सायकल यात्रा सुरळीत चालू आहे.

आतापर्यंत ज्या-ज्या भागात पोचलो, त्याठिकाणी मला चांगला प्रतिसाद मिळत आहे. प्रत्येकजण माझी आपुलकीने चौकशी करतात. प्रवासादरम्यान कोणतीच अडचण आली नसल्याचे रुपेश याने सांगितले. आता माझे लक्ष्य गुजरात असल्याचे त्याने सांगितले.

जीवनात ईश्वरभक्ती आवश्यक

चारधाम यात्रा म्हणजे मोठी भक्ती आहे. जीवन सुखी आणि समृद्ध करण्यासाठी प्रत्येकाने ईश्वरभक्ती करावी, असा संदेश रुपेश राज ठाकूर याने दिला आहे. चारधाम यात्रा पूर्ततेसाठी आणखी किमान एक महिन्याचा कालावधी लागणार असल्याचे त्याने सांगितले.