Goa Politics: सभापती रमेश तवडकर यानी आज केंद्रीय कला-संस्कृतीमंत्री जी. किशन रेड्डी व आदिवासी कल्याणमंत्री अर्जुन मुंडा यांची भेट घेतली. तर, काल केंद्रीय क्रीडा, युवा व्यवहार आणि माहिती प्रसारणमंत्री अनुराग ठाकूर यांची दिल्लीतील शासकीय मंत्रालयात भेट घेऊन केंद्र सरकारच्या विविध योजनांबाबत चर्चा केली.
मंत्री ठाकूर यांनी गोव्यातील आश्रमशाळेत क्रीडा प्रशिक्षण केंद्र सुरू करण्याबाबत सहकार्य करण्याचे आश्वासन दिले असल्याचे तवडकर यांनी सांगितले. श्रमधाम संकल्पनेतून बेघरांसाठी बांधण्यात येत असलेल्या घरांसंदर्भातील माहिती मंत्री रेड्डी यांना देण्यात आली. त्यांनी याबाबत जाणून घेण्यासाठी उत्सुकता दाखविली. मंत्री मुंडा यांच्याशी आदिवासी कल्याण योजनांचा लाभ आदिवासींना मिळवून देण्याबाबत चर्चा झाली, अशी माहिती तवडकर यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
