St. Xavier's Exposition: पोप फ्रान्सिस यांना निमंत्रित करण्यात भाजपचे डबल इंजिन सरकार अपयशी !!

Pope Francis Invite to Goa

ओल्ड गोवा येथील सेंट फ्रान्सिस झेवियर्स यांच्या अवशेषाच्या प्रदर्शनात पोप फ्रान्सिस यांना निमंत्रित करण्यात केंद्राच्या अपयशामुळे गोव्यातील ख्रिश्चन समुदाय निराश झाला आहे. पोप फ्रान्सिस यांना निमंत्रित करण्यात भाजापचे डबल इंजिन सरकार अपयशी ठरल्याने स्थानिकांच्या भावना दुखावल्या गेल्या आहेत अशी टीका विरोधी पक्षनेते युरी आलेमाव यांनी केली.

द गोवन या वृत्तपत्राच्या बातमीनुसार पोप फ्रान्सिस यांच्या भेटीने इतिहास घडवला असता आणि गोव्यात मोठा आनंद आणि आध्यात्मिक समन्वय निर्माण झाला असता असे फोंड्यातील एक धर्मगुरू म्हणालेत. ख्रिस्ती धर्माच्या धर्मगुरूंची भारत भेट फारच महत्वाची होती असे त्यांचे म्हणणे आहे.

कॅथॉलिक असोसिएशन ऑफ गोवा (CAG) ने देखील या संधर्भात निराशा व्यक्त केली असून म्हटले आहे की मुख्यमंत्री प्रमोद सावंत यांच्या विनंतीनंतरही प्रधानमंत्र्यांच्या ऑफिचे मौन कायम होते. परराष्ट्र मंत्रालयाकडून पोप फ्रान्सिस यांना कोणतेही निमंत्रण गेले नाही, आणि ही अत्यंत खेदजनक बाब आहे.