St Francis Xavier’s Goa: गोव्यातील सेंट फ्रान्सिस झेव्हियर यांच्या पवित्र अवशेषांच्या प्रदर्शनासाठी ख्रिस्ती धर्माचे सर्वोच्च धर्मगुरू पोप फ्रान्सिस यांना निमंत्रित करण्याचा राज्य मंत्रिमंडळाने निर्णय घेतला आहे.
या निर्णयाचे सांताक्रूझ मतदारसंघातील ख्रिस्ती बांधवांच्यावतीने आम्ही स्वागत करीत आहोत. पोप गोव्यात येणे ही राज्यातील ख्रिस्ती बांधवांसाठी निश्‍चित अभिमानाची बाब ठरेल, असे मत आमदार रुडाल्फ फर्नांडिस यांनी व्यक्त केले.
निवासस्थानी शनिवारी सकाळी झालेल्या पत्रकार परिषदेत ते बोलत होते. यावेळी सांताक्रूझ मतदारसंघातील त्यांचे सहकारी पंचसदस्य उपस्थित होते.
रुडाल्फ म्हणाले, जुने गोवा येथील सेंट फ्रान्सिस यांच्या पवित्र अवशेषांच्या प्रदर्शनाच्या कार्यक्रमास पंतप्रधान नरेंद्र मोदी यांच्यातर्फे पोप यांना भारतात येण्याचे निमंत्रण पाठवण्यात येणार आहे, मंत्रिमंडळाने घेतलेल्या निर्णयाचे आम्ही स्वागत करीत असून आपण मुख्यमंत्र्यांचे विशेषतः याबाबत आभार मानत असल्याचेही त्यांनी नमूद केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.