वास्कोत आजपासून शिगमोत्सवाची धूम...

वास्को: मुरगाव नागरिक शिगमोत्सव समितीतर्फे 19 मार्च ते 24 मार्च पर्यंत होणारा शिगमोत्सव यशस्वीरित्या पार पाडावा म्हणून वास्कोतील ग्रामदेव दामोदर चरणी श्रीफळ अर्पण करून सामुहीक गाऱ्हाने घातले. वास्कोत 22 मार्च रोजी गोवा पर्यटन विभाग पुरस्कृत रोमटामेळ, चित्ररथ, लोकनृत्य, वेशभूषा स्पर्धा आयोजित करण्यात येणार आहे. तसेच शिगमोत्सवानिमित्त विविध मनोरंजनात्मक कार्यक्रम मुरगाव नगरपालिका इमारती मोरील व्यासपीठावर आयोजित करण्यात आले आहेत.

मुरगाव नागरिक शिगमोत्सव समितीतर्फे अध्यक्ष विजय नागवेकर, सरचिटणीस नितीन चोपडेकर, सल्लागार मनेष आरोलकर, नगरसेवक दामू नाईक, सचिव संतोष केरकर, उपाध्यक्ष सुदेश भोसले, प्रभाकर मुळीक, शेखर कळंगुटकर, सहखजिनदार रिमा सोनुर्लेकर व इतर पदाधिकारी, सदस्यांच्या उपस्थितीत ग्रामदेव दामोदर चरणी श्रीफळ अर्पण करून पुरोहीत भूषण जोशी यांनी गाऱ्हाणे घातले.

दरम्यान, शिगमोत्सवानिमित्त विविध कार्यक्रम व उपसमित्या निवडण्यात आले आहेत. 19 मार्च दशावतारी नाटक होणार आहे.