सोनसोडोवरील सीसीटीव्ही कॅमेरे बदलण्याचा निर्णय

फातोर्डा : सोनसोडोपासून राय येथे जाणाऱ्या रस्त्याच्या बाजूला रात्रीच्या वेळी अनोळखी व्यक्तीकडून कचरा टाकला जात आहे. याप्रकरणी सोनसोडो येथे देखरेख ठेवण्यासाठी असलेल्या सीसीटीव्ही कॅमेरेच्या जागी उच्च क्षमतेचे कॅमेरे लावण्याचा निर्णय राय पंचायतीतर्फे घेण्यात आला आहे. (CCTV will be replaced in Sonsodo project News Updates)

सोनसोडो (Sonsodo) येथे कार्यान्वित असलेले सीसीटीव्ही कॅमेरे (Camera) स्पष्ट चित्रे टीपू शकत नसल्याने त्यांच्या जागी उच्च दर्जाचे स्पष्ट चित्रे टिपू शकणारे नवीन कॅमेरे बसवले जाणार आहेत. याबाबतचा निर्णय राय पंचायतीतर्फे घेण्यात आला आहे. या ठिकाणी एकंदरीत उच्च क्षमतेचे 5 सीसीटीव्ही कॅमेरे बसवण्यात येणार आहेत.

सोनसोडो पासून राय आणि कुडतरीला जाण्यासाठी असलेल्या रस्त्याच्या दुतर्फा हा कचरा (Garbage) अनोळखी व्यक्तीकडून टाकण्यात येत आहे. त्यामुळे येथील परिसरात दुर्गंधीसह आरोग्यासाठी हानिकारक वातावरण बनलं आहे. रस्त्याच्या महत्वाच्या ठिकाणी पहिल्यांदा 2 कॅमेरे प्रायोगिक तत्वावर स्थापन करण्यात येणार असून त्यानंतर इतर ठिकाणी उर्वरित कॅमेरे बसवण्यात येणार असल्याचे राय पंचायतीकडून सांगण्यात आलं आहे.