Casino in Mandovi: कॅसिनोंसाठी आता ‘सीआरझेड’ची परीक्षा

Casino Issue in Goa: मांडवी नदीत असलेल्या कॅसिनोवाहू जहाजांना आता गोवा किनारी क्षेत्र व्यवस्थापन प्राधिकरणाकडून सागरी अधिनियमांचा (सीआरझेड) भंग झाला नसल्याचा दाखला घ्यावा लागणार आहे.

यासाठी या प्राधिकरणाची तांत्रिक समिती कॅसिनो नांगरलेल्या ठिकाणांची पाहणी करणार आहे. असे प्रथमच केले जात आहे. सध्या या प्राधिकरणाच्या ‘हंगामी ना हरकत’ दाखल्यांच्या आधारे या जहाजांत कॅसिनो सुरू आहेत.

प्राधिकरणातून प्राप्त माहितीनुसार या पाहणीची तारीख निश्चित नसली तरी कॅसिनो कंपन्यांच्या अर्जावर पर्यावरण आघात अभ्यास अहवालांतील मुद्यांचा अभ्यास करण्यासाठी ते तांत्रिक समितीकडे सोपवले आहेत.

त्यानंतर समिती पाहणीची तारीख ठरवणार आहे. १५ दिवसांत, पाहणी होऊ शकते.