Porvorim Flyover: राष्ट्रीय महामार्ग ६६ वर पर्वरी येथे सहा पदरी उड्डाणपूल बांधण्याचे कंत्राट राजेंद्रसिंह भाम्बू इन्फ्रा प्रा. लि. या कंपनीने मिळवले आहे. त्यांनी या कामासाठी ३६४.६८ कोटींची बोली लावली होती. २४ महिन्यांत त्यांना हे काम करावे लागणार आहे.
हॉटेल मॅजेस्टीक ते सांगोल्डा तिठा या ५.५ किमीचा हा मार्ग उड्डाणपूल रुपी असणार आहे. या कामावेळी चोगम रस्त्यावरील सपना गार्डनजवळच्या सरकारी जागेतून बगलमार्ग काढून सांगोल्ड्यापर्यंत वाहतूक वळवली जाईल.
पत्रादेवी ते बांबोळी महामार्ग रुंदीकरणाचा हा उड्डाणपूल एक भाग आहे. त्याला काहींनी आक्षेप घेतल्याने सरकारला हे काम हाती घेता आले नव्हते.
१६ कंपन्यांनी या साठी बोली लावली होती. या कंपनीने ३६४.६८ दिलेला देकार स्वीकारण्यात आला आहे. राष्ट्रीय महामार्ग प्राधिकरणांतर्गत हे काम येत असल्याने कामाचे आदेश देण्यासाठी काही सोपस्कार करावे लागतील. ते केल्यावर, कामाचे आदेश दिले जातील.
या कामासाठी अन्य एका कंपनीने ५३४ कोटी रुपयांची मागणा केली होती. या कंपनीच्या बोलीत आणि त्या कंपनीच्या बोलीत तब्बल १७४ कोटी रुपयांचा फरक आहे.
यामुळे सर्वांत कमी बोलीची भाम्बू इन्फ्राची निविदा स्वीकारण्यात आली आहे. हीच कंपनी उड्डाणपुलाच्या जोड रस्त्याचेही काम करणार आहे.
झुआरी पुलावर दोन मनोरे उभारण्याचे काम दिलीप बिल्डकॉन कंपनीने मिळवले आहे. या मनोऱ्यांवर वर्तुळाकार फिरणारे रेस्टॉरंट उभारण्यात येणार आहे.
या कामासाठी चार कंपन्यांनी स्वारस्य दाखवले होते. अखेर दिलीप बिल्डकॉनची निविदा स्वीकरण्यात आल्याचे सार्वजनिक बांधकाममंत्री नीलेश काब्राल यांनी सांगितले.
पर्वरीहून पणजी प्रवास करणे सध्‍या प्रचंड जिकिरीचे ठरत आहे. त्‍यावर तोडगा काढणे आवश्‍‍यक होते. त्‍यासाठी सहा पदरी उड्डाणपूल बांधण्याचे नियोजन करण्‍यात आले. त्‍यासाठी केंद्रीय मंत्री नितीन गडकरी यांनी खास निधीही काही महिन्‍यांपूर्वी जाहीर केला.
टप्‍प्‍या टप्‍प्‍याने प्रकल्‍पाला चालना मिळत गेली. नेमलेल्‍या ठेकेदाराला दोन वर्षांत प्रकल्‍प पूर्ण करणे आवश्‍‍यक आहे. हा उड्डाणपूल झाल्‍यानंतर प्रवाशांचे हाल कमी होतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.