Cashew Feni: पारंपरिक फेणीला आधुनिक साज! निर्मितीला मिळतेय यांत्रिकीकरणाची जोड

Cashew Feni Business in Goa: काजूलाना’ या ब्रँडच्या नावाने अस्सल गावठी तयार फेणीपासून केलेली विविध प्रक्रियायुक्त फेणी उत्पादने आज बाजारपेठेत ग्राहकांसाठी उपलब्ध केली आहेत.
Cashew Feni Business in Goa
Cashew Feni Business in GoaDainik Gomantak
Published on
Updated on

वाळपई: गोवा विधानसभेचे माजी उपसभापती तथा वाळपईचे माजी आमदार व बागायतदार नरहरी हळदणकर व त्यांच्या कुटुंबीयांनी १९८० सालापासून गेली ४५ वर्षे या हुर्राक, काजू फेणी व्यवसायात आपली वेगळी छबी निर्माण केली आहे. ‘

काजूलाना’ या ब्रँडच्या नावाने अस्सल गावठी तयार फेणीपासून केलेली विविध प्रक्रियायुक्त फेणी उत्पादने आज बाजारपेठेत ग्राहकांसाठी उपलब्ध केली आहेत. या काजू फेणी उत्पादन प्रक्रियेला आता यांत्रिकीकरणाची जोड लाभली आहे.

वाळपई भाग, वास्को, म्हापसा, पणजी, कळंगुट, मडगाव, फोंडा, डिचोली, साखळी, पेडणे आदी ठिकाणी ‘काजूलाना’ ब्रँड पोहोचलेला आहे. काजूलाना प्युअर काजू फेणी, मसाला काजू फेणी, डिलक्स काजू फेणी, हळदणकर प्रीमियम काजू फेणी, काजूलाना गोल्ड काजू फेणी, सत्तरी कोकोनट फेणी, काजू हुर्राक, काजूलाना इलायची काजू फेणी अशा विविध फेणीपासून बनवलेल्या फेणी उत्पादनांनी यांनी आपली वेगळी ओळख निर्माण केली आहे.

या काजूलाना फेणीचा चव खूप न्यारी असते. त्यामुळे गोव्यातील कानाकोपऱ्यात काजूलाना ब्रँडने आपले जाळे पसरविले आहे.

दरवर्षी ग्रामीण भागातील फेणी उत्पादन करीत असलेल्या व्यावसायिकांकडून फेणी खरेदी करणे, बोंडू रस घेणे, बोंडू फळे घेणे, स्वत:च्या जागेत बोंडू रस यंत्राने काढणे, हुर्राक करणे अशाप्रकारे साठविलेल्या फेणीपासून विविध फेणी उत्पादने केली जातात.

Cashew Feni Business in Goa
Urrak Season: हुर्राक, फेणीसाठी यांत्रिकीकरणाची जोड! बोंडू रसाच्या गाळप कामांना वेग; बागायतदार व्‍यस्‍त

व्यावसायिकांचा ‘आर्थिक कणा’

काजू बोंडू फळांच्या रसापासून तयार केली जाणारी गावठी फेणी ही बागायतदार व फेणी व्यावसायिकांसाठी ‘आर्थिक कणा’ गणली गेलेली आहे. सत्तरी तालुक्यात गावोगावी काजू फेणी निर्मिती करणारे लहान-मोठे व्यावसायिक आहेत. जे तयार फेणी गोव्यातील इतरत्र व्यावसायिकांना नंतर विक्री करीत असतात.

Cashew Feni Business in Goa
Valpoi Shigmotsav: वाळपई ‘ओस्सय ओस्सय’ने दुमदुमली! लोकोत्सवाला सुरुवात; दिव्या राणेंच्या हस्ते शोभायात्रेचे उद्‍घाटन

हळदणकर यांचे सामाजिक कार्यही..!

नरहरी हळदणकर यांनी दिवंगत मुख्यमंत्री मनोहर पर्रीकर सरकारच्या काळात उपसभापती म्हणून विधानसभेत चांगले कामकाज हाताळले होते. तसेच वाळपई मतदारसंघाचे दोनवेळा आमदार म्हणूनही प्रतिनिधित्व करीत वाळपई मतदारसंघात सर्वांगीण विकासकामांना चालना दिली होती.

वाळपई सार्वजनिक गणेशोत्सव मंडळाच्या स्थायी समितीचे अनेक वर्षांपासून अध्यक्ष असून वाळपई शिक्षण संस्थेचे अध्यक्ष म्हणूनही काम करीत आहेत. साहित्य क्षेत्रात मराठी भाषेसाठी हळदणकर योगदान देत आहेत. गोवंश संवर्धनासाठीदेखील ते नेहमीच मदतीद्वारे कार्यरत असतात. आपला व्यवसाय संभाळून सामाजिक कार्यात त्यांचा नेहमीच हातभार लाभलेला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com