फोंडा: बेतोडा येथे मुख्य रस्त्यावर काल झालेल्या कारगाडीच्या अपघातात (Accident) दोन पादचारी जखमी झाले. हा अपघात संध्याकाळी साडेचारच्या सुमारास घडला. बेतोड्याहून फोंड्याच्या दिशेने येणाऱ्या जीए05 डी 9208 या क्रमांकाच्या कारगाडीने समोरून येणाऱ्या प्रभा टोपो (वय 25) व मनोज इक्का (वय 28) या दोघांना जोरदार ठोकर दिली.
त्यात प्रभा टोपो ही महिला गंभीर जखमी झाली. अचानक रस्त्यावर आलेल्या कुत्र्याला वाचवण्यासाठी चालकाने भरधाव कारगाडी बाजूला वळवली असता समोरून येणाऱ्या दोन्ही पादचाऱ्यांना ठोकरल्याचे समजते. दोन्ही पादचाऱ्यांना ठोकरल्यानंतर कारगाडीने रस्त्यावरील कुंपणाला धडक दिली. कामगार असलेले मनोज व प्रभा हे दांपत्य मूळ झारखंड येथील असून त्यांचे बेतोडा येथे वास्तव्य होते. जखमी महिलेला बांबोळी इस्पितळात (MGCH) उपचारासाठी दाखल केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
