Canacona News : काणकोण रवींद्र भवनाचे काम संथगतीने

पाच वर्षांपूर्वी काणकोणात सुरू केलेले रवींद्र भवनाचे काम संथगतीने चालले आहे. यासंदर्भात अनेक तक्रारी कला व संस्कृती खात्याकडे आल्या होत्‍या. त्‍या पार्श्वभूमीवर खात्‍याचे संचालक सगुण वेळीप यांनी सोमवारी प्रत्यक्ष कामाची पाहणी केली व संथगतीने काम होत असल्‍याबद्दल नाराजी व्‍यक्त केली.

यावेळी त्यांच्यासोबत खात्याच्‍या प्रितम नाईक आणि मान्‍यवरांची उपस्‍थिती होती. संचालक वेळीप यांनी कंत्राटदाराल रवींद्र भवनाच्या कामाला गती देण्याची सूचना केली. या प्रकल्पात तालुका वाचनालय सुरू करण्यात येणार आहे.

पूर्वी हे वाचनालय पालिकेच्या वास्तूत सुरू होते. मात्र पालिकेची वास्तू पालिका भवन उभारण्यासाठी मोडल्याने वाचनालयाचे स्थलांतर देवाबाग येथे कोमरपंत समाजाच्या सभागृहात करण्यात आले आहे.