काणकोण: काणकोण तालुक्यात ऊस लागवडीवर मर्यादा आल्याने यंदा काटेकणगा व सुरण या कंदमुळांच्या लागवडीत लक्षणीय वाढ झाली आहे. सुमारे दहा हेक्टर क्षेत्रात या पिकांची लागवड करण्यात आली असून गावडोंगरी पंचायत क्षेत्र आघाडीवर आहे. यंदा २५० टनांहून अधिक उत्पादनाची शक्यता आहे, अशी माहिती देण्यात आली.
अनेक शेतकऱ्यांनी ऊस लागवड बंद करून जमीन पडीक न ठेवता काटेकणगा लागवडीकडे वळण घेतले आहे. काही स्वयंसाहाय्य गटांकडून सामुदायिक शेतीद्वारे या पिकांचे उत्पादन घेतले जात आहे. गेल्यावर्षी काटेकणगाचा दर सुमारे ८० रुपये प्रतिकिलो होता. मात्र, बाजारपेठेअभावी शेतकऱ्यांना अडचणींचा सामना करावा लागला होता.
उपाययोजना हव्या!
उत्पादन वाढत असताना योग्य बाजारपेठ मिळाली नाही तर शेतकऱ्यांना तोटा सहन करावा लागू शकतो. त्यामुळे गोवा बागायतदार व हॉर्टिकल्चर महामंडळाने काटेकणगासाठी स्थिर व खात्रिशीर बाजारपेठ उपलब्ध करून द्यावी, अशी शेतकऱ्यांची मागणी आहे. कृषी विभागानेही या पिकाच्या विस्ताराला चालना देण्यासाठी उपाययोजना करण्याची गरज आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
