Canacona Accident : करमलघाट क्षेत्रात मालवाहू ट्रक कलंडला; सुमारे 5 लाख रुपयांची हानी

Canacona Accident : काणकोण करमलघाट क्षेत्रात मडगाव-कारवार हमरस्त्यावर मालवाहू ट्रक दुसऱ्या वाहनाला बाजू देताना रस्त्याच्या कडेला कलंडल्याने ट्रकची सुमारे पाच लाख रुपयांची हानी झाली.

हा अपघात रविवारी उत्तररात्री तीन वाजण्याच्या सुमारास घडला. केएल ४१ के ३८९६ हा मालवाहू ट्रक केरळ येथून प्लायवूड घेऊन मडगावच्या दिशेने जात असताना समोरून येणाऱ्या वाहनाला बाजू देत असताना तो रस्त्याच्या कडेला असलेल्या खोल भागात गेला आणि बाजूला कलंडला, असे या ट्रकच्या चालकाने सांगितले.