Goa IFFI 54th: ‘सुवर्ण मयूर’ चा मानकरी आज ठरणार

Goa IFFI 54th: 54 व्या आंतरराष्ट्रीय चित्रपट महोत्सवाचा उद्या, मंगळवारी समारोप होणार आहे. या समारोपात यंदाचा ‘सुवर्ण मयुर'' कोणत्या चित्रपटाला मिळणार, याकडे सर्वांचे लक्ष लागून राहिले आहे.
International Film Festival
International Film FestivalDainik Gomantak

Goa IFFI 54th: 54 व्या आंतरराष्ट्रीय चित्रपट महोत्सवाचा उद्या, मंगळवारी समारोप होणार आहे. या समारोपात यंदाचा ‘सुवर्ण मयुर'' कोणत्या चित्रपटाला मिळणार, याकडे सर्वांचे लक्ष लागून राहिले आहे. महोत्सवात यंदा 18 जागतिक, 18 आंतरराष्ट्रीय, 62 आशियाई आणि 89भारतीय प्रिमियर चित्रपट दाखविण्यात आले.

International Film Festival
Petroleum Reserves: चिखलीतील सहा विहिरींत पेट्रोलजन्य साठा!

डॉ. श्‍यामाप्रसाद मुखर्जी इनडोअर स्टेडियममध्ये हा समारोपाचा कार्यक्रम पार पडणार आहे. गोवा मनोरंजन सोसायटीच्या सीईओ अंकिता मिश्रा यांनी सांगितले की, समारोप समारंभासाठी केंद्रीय माहिती व प्रसारणमंत्री अनुरागसिंह ठाकूर, मुख्यमंत्री डॉ. प्रमोद सावंत, माहिती आणि प्रसारण मंत्रालयाचे राज्यमंत्री डॉ. एल. मुरुगन उपस्थित राहणार आहेत.

तसेच अभिनेते आयुष्मान खुराना, रवी किशन, सिद्धार्थ रॉय कपूर, अभिनेत्री ईशा गुप्ता आणि इतर बॉलिवूड कलाकार उपस्थित राहतील. इफ्फीचा शुभारंभ ‘कॅचिंग डस्ट'' या चित्रपटाने झाला, तर अमेरिकेच्या रॉबर्ड कोलोड्नी यांचा दी फेदरवेट या चित्रपटाने समारोप होणार आहे. इफ्फीमध्ये यंदा विविध आंतरष्ट्रीय चित्रपट महोत्सवांमध्ये पुरस्कार मिळालेले १९ चित्रपटांचा समावेश होता.

दरम्यान, यावर्षीपासून इफ्फीत बेस्ट वेब सिरीज (ओटीटी) पुरस्कार दिला जाणार आहे. या पुरस्काराची निवड करणाऱ्या पाच सदस्यीय समितीमध्ये राजकुमार हिरानी यांचा समावेश आहे.

इफ्फीच्या मुख्य पाच ज्युरी सदस्यांमध्ये भारतीय चित्रपट निर्माते शेखर कपूर यांचा समावेश आहे, तर इतर सदस्यांमध्ये स्पॅनिश सिनेमाटोग्राफर जोस लुईस अल्केन, निर्माता जेरोम पेलार्ड, कॅथरीन डुसार्ट आणि हेलन लीक यांचा समावेश आहे. हे ज्युरींनी केलेली ‘सुवर्ण मयुर'' विजेत्या चित्रपटाची निवड जाहीर होणार आहे

मायकल डग्लस यांना जीवनगौरव

54 व्या आंतरराष्ट्रीय चित्रपट महोत्सवाच्या समारोप सोहळ्यात ज्येष्ठ अमेरिकन अभिनेते आणि चित्रपट निर्माते मायकल डग्लस यांना चित्रपटसृष्टीतील त्यांच्या अविस्मरणीय योगदानाबद्दल ‘जीवनगौरव पुरस्कार’ देऊन गौरविण्यात येईल, असे अंकिता मिश्रा यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com