Calangute Police News : खोब्रावाडा-कळंगुट येथे रविवारी 16 वर्षीय युवतीने राहत्या घरी गळफास घेत आत्महत्या केल्याचा प्रकार उघड झाला होता. याप्रकरणात आता नवीन माहिती समोर येत आहे.
16 वर्षीय युवतीच्या आत्महत्येस कारणीभूत ठरल्याप्रकरणी दोघा संशयितांविरुध्द कळंगुट पोलिसांत गुन्हा नोंद करण्यात आला आहे. याबाबतची तक्रार युवतीच्या वडिलांनी सोमवारी दिली. कळंगुट पोलिस पुढील तपास करीत आहेत.
कळंगुट पोलिसांनी दिलेल्या माहितीनुसार, खोब्रावाडा-कळंगुट येथे रविवारी 16 वर्षीय युवतीने राहत्या घरी गळफास घेत आत्महत्या केली होती. या युवतीच्या वडीलांनी आज कळंगुट पोलिसांत युवतीच्या म्रुत्यूस कारणीभूत ठरल्याचा ठपका ठेवत संशयित कोटरेश भिमाप्पा लमाणी तसेच मंजुळा भिमाप्पा लमाणी (गदग-कर्नाटक) यांच्याविरोधात तक्रार दाखल केली.
याबाबत युवतीच्या वडिलांनी कळंगुट पोलिसांत तक्रार दिली. तक्रारीत असे नमुद करण्यात आले आहे की, कोटरेश सोबत असलेले संबंध न तोडल्यास सोशल मिडीयावर फोटो शेअर करीन अशी धमकी दोघाही संशयितांनी रविवारी सकाळी 9.30च्या सुमारास 16 वर्षीय युवतीला दिली होती असे तक्रारीत नमुद करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.