फोंडा: येथील कदंब बस स्थानकाचे दुरुस्तीचे काम काही दिवसातच सुरु होणार आहे. परिणामी प्रवाशांना बस स्थानकात जाण्याची परवानगी नाही. यामुळे प्रवाशांना रस्त्यावर उभे राहून बसची प्रतीक्षा करावी लागत आहे. बस स्थानकाची दुरुस्ती तात्काळ करण्यात यावी, अशी प्रवाशांची मागणी आहे.
कदंब बस (Bus) स्थानकात मागील 5-6 दिवसापासून प्रवाशांना प्रवेश बंद करण्यात आला आहे. यामुळे त्यांची मोठ्याप्रमाणात गैरसोय होत आहे. या बस स्थानकाची दुरुस्ती करण्यात येणार असल्याने परिसरात पत्रे लावण्यात आले आहेत. या स्थानकावरुन अनेक प्रवाशी अन्य राज्यात ये-जा करत असतात. त्या सर्वांना यामुळे त्रास सहन करावा लागत आहे.
गेल्या काही दिवसापासून गोव्यात (Goa) उकाडा वाढल्याने उन्हात उभे राहणाऱ्या प्रवाशांना त्रास सहन करावा लागत आहे. कदंब महामंडळाने निदान प्रवाशांना उभे राहण्यासाठी शेड उभे करावे, असे लोकांचे म्हणणे आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
