Mumbai Goa Highway: मुंबई - गोवा महामार्गावर धावत्या बसला आग; 34 प्रवासी थोडक्यात बचावले, बस, साहित्य जळून खाक

Mumbai Goa Highway Burning Bus

कोलाड: मुंबई - गोवा महामार्गावर धावत्या खासगी बसने अचानक पेट घेतल्याची घटना उशीरा रात्री उघडकीस आली. आगीचा भडका उडाल्याने बस पूर्णपणे जळून खाक झाली आहे. या बसमध्ये असणारे ३४ प्रवासी मात्र थोडक्यात बचावले आहेत. बसच्या मागे मोठा आवज झाल्याने चालकाने खातरजमा करण्यासाठी पाहणी केली असता बसला आग लागल्याचे उघडकीस आले.

मुंबई - गोवा महामार्गावर कोलाड येथे कोकण रेल्वे पुलाजवळ ही घटना घडली. मुंबईतील जोगेश्वरी येथून मालवणला खासगी बस जात होती. बसमध्ये सुमारे ३४ प्रवासी होती. कोलाड येथे आल्यावर बसच्या मागच्या बाजूस मोठा आवाज झाला. चालकाने आवाज झाला म्हणून बसची पाहणी केली असता मागच्या चाकाला आग लागल्याचे उघडकीस आले. सजग चालकाने तात्काळ सर्वांना सूचित करुन प्रवाशांना खाली उतरण्यास सांगितले.

बसमधून सर्व प्रवाशांना तात्काळ खाली उतरवण्यात आले. दरम्यान, काही क्षणातच बसने पेट घेतला आणि बघता - बघता आगीचा भडका उडाला. यात बसमधील साहित्यासह बस जळून खाली झाली आहे. दैव बलवत्तर म्हणून बसमधील ३४ प्रवासी थोडक्यात बचावले. दरम्यान, अग्निशमन दलाने घटनास्थळी दाखल होते. आगीवर नियंत्रण मिळवले.