डिचोली: दसऱ्याच्या पार्श्वभूमीवर सध्या कर्नाटकमधून झेंडू फुलांची डिचोलीत ''बंपर''आवक झाली असून, यंदा दसऱ्याला ही फुले स्वस्त होण्याची आशा आहे. गेल्या वर्षीच्या तुलनेत झेंडू फुले निश्चितच स्वस्त होणार आहेत.
तसे संकेतही विक्रेत्यांकडून मिळाले आहेत. दुसऱ्या बाजूने स्थानिक भागातील मळ्यात फुलणारी झेंडूची फुले अद्याप बाजारात आलेली नाहीत. यंदा स्थानिक झेंडूचे मळे अपेक्षेप्रमाणे बहरलेले नाहीत. त्यामुळे यंदा स्थानिक झेंडू फुलांचा बाजारात तुटवडा निर्माण होणार असल्याचा अंदाज आहे.
दसऱ्याला झेंडू फुलांना प्रचंड मागणी असते. त्यामुळे दरवर्षी कर्नाटक राज्यातून डिचोलीत प्रचंड प्रमाणात झेंडू फुलांची आवक होत असते. यंदा गुरुवारी (ता. २ ऑक्टोबर) दसरा (Dussehra) साजरा होत आहे. दसऱ्याला जेमतेम एक दिवस असल्याने आजपासून कर्नाटकातून डिचोलीत झेंडू फुलांची आवक सुरु झाली आहे. आज (मंगळवारी) तर डिचोलीत मोठ्या प्रमाणात कर्नाटकातील झेंडू फुलांची आवक झाली आहे. उपलब्ध माहितीनुसार आज मंगळवारी एकाच दिवशी कर्नाटकमधून डिचोलीत पाच टनांहून अधिक फुलांची आवक झाली आहे. उद्यापर्यंत ही आवक वाढण्याची शक्यता आहे.
गेल्यावर्षी दसऱ्याला झेंडू फुलांचे दर २०० रुपये किलो असे होते. गेल्यावर्षीच्या तुलनेत यंदा झेंडू फूले स्वस्त होण्याचे संकेत मिळत आहेत. आज मंगळवारी झेंडूची फुले ८० ते १०० रुपये किलो या दराने विकण्यात येत होती. आवक वाढली की, झेंडू फुलांचे दर आवाक्यात राहण्याची शक्यता आहे. यंदा कर्नाटकात (Karnataka) झेंडू फुलांना समाधानकारक बहर आला आहे. त्यामुळे उद्यापर्यंत आवक वाढण्याची शक्यता आहे. आवक वाढली की, झेंडू फुलांचे दर नियंत्रणात राहण्याची शक्यता आहे, असे एक फूलविक्रेता बचपन हवंगी यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
