Goa Budget 2023: आता गोव्यात बंपर मासळी उत्पादन; मुख्यमंत्र्यांनी अर्थसंकल्पात केल्या 'या' घोषणा

Goa Budget 2023 on Fisheries: गोवा हा पर्यटनासोबतच मत्स्य उत्पादनासाठी प्रसिद्ध आहे. इथल्या माशांच्या चविष्ट डिशेस जगभर प्रसिद्ध आहेत.

मत्स्य उत्पादन वाढवण्यासाठी सरकार प्रयत्नशील असून 60. 57 कोटी रुपये मासेमारीच्या पायाभूत सुविधांच्या विकासासाठी देण्यात येणार असल्याची माहिती मुख्यमंत्री प्रमोद सावंत यांनी आज अधिवेशनात दिली.

गोव्याचा आजचा अधिवेशनाचा तिसरा दिवस असून आज मुख्यमंत्री प्रमोद सावंत यांनी अर्थसंकल्प सादर केला.

मासेमारीच्या क्षेत्राबद्दलच्या योजना त्यांनी अधिवेशनात मांडल्या. समुद्र गस्तीसाठी मरीन इन्फोर्समेंट विंग स्थापन करण्याचा प्रस्ताव देखील मुख्यमंत्र्यांनी आज मांडला. मत्योत्पादनासाठी राज्यातील नद्यांमध्ये 10 पिंजऱ्यांची युनिट्स उभारण्यात येणार असल्याची माहिती त्यांनी यावेळी दिली.

तसेच ओल्ड गोवा येथे एक्वाटिक रेफरल लॅबची स्थापना करण्यात येणार असून सार्वजनिक-खाजगी भागीदारी तत्वावर बाणावली येथे कोळंबी आणि फिन फिश हॅचरी स्थापन करण्याचा प्रस्ताव देखील मुख्यमंत्र्यांनी आज अधिवेशनात मांडला.