Traditional Fishing in Goa: बाणावली किनाऱ्यावर पारंपारिक मच्छीमारांना काल (मंगळवारी) संध्याकाळी बांगड्याची बंपर कॅच मिळाली. मात्र मासळी विकण्यासाठी मार्केटिंगचे मार्ग नसल्यामुळे आणि घाऊक मासळी बाजार बंद झाल्यामुळे, मच्छीमारांना मासेमारीसाठी चांगला दर न मिळाल्याने त्यांच्यामध्ये नाराजी आहे.
घाऊक मासळी बाजार सुरू असता तर मच्छीमारांनी मासळी बाजारात विक्रीसाठी नेली असती. मडगाव, फातोर्डा आणि आजूबाजूच्या परिसरातील नागरिक, विशेषत: कार्यालयात जाणारे लोक घरी परतण्यापूर्वी समुद्रात जाळ्यात अडकलेले ताजे मासे विकत घेतात. मात्र मोठ्या प्रमाणात सापडलेले मासे बाजारात जितके विकले जातात तेवढे इतर ठिकाणी विकले जात नाहीत.
उच्च न्यायालयाच्या आदेशाच्या नावाखाली एसजीपीडीएने घाऊक मासळी बाजार बंद केल्याने पारंपरिक मच्छीमारांना बाजारात येणे बंद करण्याशिवाय पर्याय उरला नाही. त्यामुळे जाळ्यात सापडलेल्या माशांचा म्हणावा तसा भाव त्यांना मिळत नाही.
कोणताही पर्याय नसल्यामुळे मच्छिमारांना मासे किनार्‍यावरच विकावे लागतात किंवा दुसर्‍या दिवशी बाजारात आणण्यासाठी बर्फात माशांची साठवणूक करावी लागत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.