बोरी, बाणेदार तडफदार, कर्तव्यकठोर अन तितक्याच प्रजावत्सल अहिल्याबाई होळकर यांच्या विविध स्मृती आजही (२२५ वर्षानंतरही) आपल्या मनात तितक्याच आत्मियतेने टिकून आहेत, याचे कारण त्यांचे व्यक्तिमत्व, असे प्रतिपादन डॉ. प्रा. अनिता तिळवे यांनी केले.
त्या धार्मिक वृत्तीच्या तर होत्याच पण दूरदृष्टी असलेल्या उत्तम राज्यप्रशासकही होत्या. आयुष्यात स्वतः खूप दुःख भोगूनही त्यांचे प्रशासन मात्र निष्कलंक, धवलशुभ्र असे होते. साधी राहणी आणि तत्वाची वागणूक हे त्यांचे गुणविशेष. त्यांना स्वतःला राजकारणाची उत्तम जाण होती, असे आदर्श असलेले व्यक्तिमत्व आपण कायम स्मरणात ठेवले पाहिजे, असे तिळवे यांनी सांगितले.
प्रागतिक विचार मंच गोवातर्फे ३१ मे रोजी वारखंडे फोंडा येथे पुण्यश्लोकी अहिल्याबाई होळकर जयंती साजरी करण्यात आली.
यावेळी डॉ. प्रा. तिळवे, बाबूश पारकर, मनोहर तिळवे, महेश पारकर, मुकुंद कामत, नरहरी नाईक, राया बोरकर,आनंद पेडणेकर, शाणुदास सावंत, नागेश प्रभु, विनोद नाईक, संस्थेचे अध्यक्ष जयवंत आडपईकर, चंद्रकांत बांदिवडेकर आदी मान्यवर उपस्थित होते. प्रा. डॉ. तिळवे यांनी होळकर यांचे जीवनकार्य उलगडून दाखवले. रमेश वंसकर यांनी सूत्रसंचालन केले. महेश पारकर यांनी आभार मानले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
