Bondla Sanctuary: बोंडला प्राणी संग्रहालय बुधवारपासून खुले होणार? विषाणूच्या संसर्गामुळे होते बंद; चाचणी निकाल प्रतीक्षेत

Bondla Zoo Reopening: मृत जंगल मांजरापैकी दोन प्राण्यांमध्ये एच५एन१ या एव्हियन इन्फ्लूएंझा विषाणूचा संसर्ग आढळून आला होता, तर सिव्हेट मांजरींच्या मृत्यूचे कारण अद्यापही स्पष्ट झालेले नाही.
Bondla Zoo Reopening
Bondla ZooDainik Goomantak
Published on
Updated on

पणजी: गोव्यातील एकमेव प्राणी संग्रहालय असलेल्या बोंडला वन्यजीव अभयारण्यमधील प्राणी संग्रहालय ३० एप्रिलपासून पुन्हा सर्वसामान्यांसाठी खुले होण्याची शक्यता असल्याची माहिती सूत्रांकडून मिळाली आहे.

बोंडला प्राणी संग्रहालय १ एप्रिल रोजी तात्पुरते बंद करण्यात आले होते. मार्च ६ ते ९ दरम्यान तीन सिव्हेट मांजरी आणि दोन जंगल मांजरींचा संशयास्पद मृत्यू झाल्याने संग्रहालय बंद करण्याचा निर्णय विभागाने घेतला होता.

यानंतर त्वरीत उपाययोजना केल्या गेल्या. मृत जंगल मांजरापैकी दोन प्राण्यांमध्ये एच५एन१ या एव्हियन इन्फ्लूएंझा विषाणूचा संसर्ग आढळून आला होता, तर सिव्हेट मांजरींच्या मृत्यूचे कारण अद्यापही स्पष्ट झालेले नाही.

Bondla Zoo Reopening
Bondla Zoo: बोंडला प्राणीसंग्रहालय आठ दिवसांत सर्वांसाठी होणार खुले; देविया राणेंची महत्वाची माहिती

मिळालेल्या माहितीनुसार या मृत्यूंनंतर ३० मार्चला अधिकाऱ्यांनी तातडीने बोडला बंदी आदेश जारी करत प्राणी संग्रहालयात १५ दिवसांचा क्वारंटाईन कालावधी लागू केला होता, जो १५ एप्रिल रोजी संपला. तरीही, पूर्ण खात्री होईपर्यंत प्राणी संग्रहालय पुन्हा खुले करण्यात आले नव्हते.

Bondla Zoo Reopening
Bondla Zoo Closure: बोंडला प्राणी संग्रहालय महिनाभर बंद ठेवणे भोवलं; IFS अधिकाऱ्याची विभागीय स्तरावर चौकशी सुरु, केंद्राला अहवाल पाठविणार असल्याची वनमंत्र्यांची माहिती

अधिकृत घोषणा लवकरच

सध्या भोपाळ येथील राष्ट्रीय उच्च सुरक्षा प्राणी रोग संस्था या संस्थेमार्फत बोंडला येथील नमुन्यांची ‘डबल कन्फर्मेशन’ तपासणी सुरू आहे. पहिल्या फेरीतील तपासणीचा निकाल नकारात्मक (नेगेटिव्ह) आला आहे. दुसऱ्या फेरीतील तपासणीचे नमुने नुकतेच भोपाळला पाठविण्यात आले असून, त्याचा निकाल काही दिवसांत अपेक्षित आहे. दुसरी चाचणीही नकारात्मक आल्यास बोंडला प्राणी संग्रहालय ३० एप्रिल रोजी सर्वसामान्यांसाठी उघडले जाईल. याबाबत अधिकृत घोषणाही लवकरच अपेक्षित आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com