पणजी: नेहमीच वादात असणारी बॉलिवूड अभिनेत्री पूजा मिश्रा पुन्हा एकदा चर्चेत आलीय. रिक्षात धूम्रपान करताना हटकल्याने पूजाला राग अनावर झाला. यावरुन तिने एकाला थेट शिवीगाळ केल्याचा एक व्हिडिओ सोशल मीडियावर व्हायरल होत आहे. कला अकादमी, पणजी येथे हा प्रकार उघडकीस आला. गोव्यात सध्या सुरु असलेल्या 55 व्या आंतरराष्ट्रीय फिल्म फेस्टिव्हलसाठी पूजाने हजेरी लावली होती.
कला अकादमी, पणजी येथे एका रिक्षामध्ये पूजा धूम्रपान करत होती. याचदरम्यान, तिला एकाने हटकले. ही जागा धूम्रपान करण्याची नाही. तुम्ही इथे धूम्रपान करु नका असे त्याने म्हटल्यावर पूजाला राग अनावर झाला. तिने थेट त्याच्याशी हुज्जत घालण्यास सुरुवात केली. तिने त्याला शिवीगाळही केली. जेव्हा त्याने व्हिडिओ शूटिंग करण्यास सुरुवात केली तेव्हा तिने तिथून पळ काढला. पणजीतील या भागात मोठी वर्दळ असते.
दरम्यान, अभिनेत्री पूजा मिश्रासाठी वाद काही नवा नाहीये. अलीकडेच, पूजाचा एक व्हिडिओ समोर आला होता, ज्यामध्ये ती हॉटेलच्या कर्मचाऱ्यांसोबत भांडताना दिसत होती. दिल्लीतील हॉटेल ताज द्वारका येथे ही घटना घडली होती. पूजा ज्या हॉटेलमध्ये उतरली होती त्या हॉटेलच्या रुममध्ये काहीतरी तिने तोडले होते. जेव्हा त्याची भरपाई मागितली तेव्हा तिने भरपाई देण्यास नकार दिला. हॉटेलमधून बाहेर पडत असताना तिला हॉटेल कर्मचाऱ्यांनी रोखण्याचा प्रयत्न केला असता तिने हुज्जत घालण्यास सुरुवात केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.