Huma Qureshi in Goa:...अन् बेडकाने हुमाला किस केला, पाहा गोव्यातून तिनेच शेअर केलेले व्हायरल फोटो

Huma Qureshi in Goa: बॉलिवूड असो कि क्रिकेट प्रसिद्ध अभिनेत्री, अभिनेते आणि क्रिकेटमधील प्रसिद्ध खेळाडू गोव्यात सुट्टी घालवण्यासाठी येत असतात. अलिकडेच अभिनेत्री क्रिती सेनन, तब्बू आणि करीना कपूर खान गोव्यात चित्रपटाच्या चित्रिकरणासाठी आले होते.

बॉलिवूडची प्रसिद्ध अभिनेत्री हुमा कुरेशी गोव्यात सुट्टीचा आनंद घेत आहे. तिने गोव्यातून तिच्या सुट्टीचे फोटो शेअर केले आहेत.

हुमा गोव्यात तिच्या मित्रांसोबत सुट्टीचा आनंद घेत आहे. हुमाने शेअर केलेल्या फोटोत ती स्विमिंग पूलमध्ये निवांत वेळ घालवताना दिसत आहे. फोटोला तिने पिस, चिल, गोवा असे हॅशटॅग वापरून शेअर केले आहे.

याच फोटोत तिला कासव आणि बेडूक किस करताना दिसत आहेत. याचा रेफरन्स देत हुमाने सोबत असणारे मित्र खूप छान आहेत, तसेच यावेळी मला बेडकांना किस करता आले. असे मजेदार कॅप्शन हुमाने दिले आहे.

हुमाने आणखी एक फोटो तिच्या इंस्टाग्रामवर शेअर केला आहे. त्यात ती स्विमिंग पूलच्या शेजारी बसल्याचे दिसत आहे. विशेष म्हणजे हा अभिनेत्री सोनाक्षी सिन्हाने काढला असल्याचे तिने म्हटले आहे. कारण या फोटोला हुमाने क्रेडिट सोनाक्षी सिन्हाला दिले आहे.

हुमाने गोव्यातून शेअर केलेल्या फोटोंवर चाहत्यांनी अनेक लाईक्स आणि कमेन्ट दिल्या आहेत. याशिवाय अनेक ही पोस्ट शेअर देखील केली आहे.