केपे : रुरबन मिशन या योजनेंतर्गत राज्याचे माजी उपमुख्यमंत्री बाबू कवळेकर यांनी सुमारे तीस कोटी रुपयांची कामे मंजूर करून आणली होती. या कामांचे आता काँग्रेसचे आमदार एल्टन डिकॉस्टा फुकटचे श्रेय घेऊ पाहत असून ते आम्ही सहन करणार नाही,असा इशारा केपे भाजपा युवा मोर्चाने दिला. केपे येथे घेतलेल्या या पत्रकार परिषदेत भाजप युवा मोर्चा अध्यक्ष विराज देसाई यांच्यासह इतर सदस्य हजर होते.
डॉ. शामाप्रसाद मुखर्जी यांच्या नावाने रूरबन मिशन ही योजना केंद्र व राज्य सरकारच्या मदतीने दक्षिण व उत्तर गोव्यातील एक एक मतदारसंघात सुरू केली होती. त्यानुसार केपेचे माजी आमदार बाबू कवळेकर यांनी केपे मतदारसंघातील पंचायत क्षेत्राचा विकास व्हावा या उद्देशाने सातही पंचायत क्षेत्रात विकासकामे मंजूर करून आणली होती.
विधानसभा निवडणूक ऐन तोंडावर असताना कवळेकर यांनी मंजूर करून आणलेल्या सुमारे तीस कोटी रुपयांच्या विकासकामांचे रितसर उद्घाटन करून कामे सुरू केली होती, पण काही ठिकाणी निवडणूक आचारसंहिता लागू झाल्याने कामे सुरू करता आले नव्हते. याचाच फायदा घेऊन आता केपेचे आमदार एल्टन डिकॉस्टा ही कामे सुरू करून या कामांचे श्रेय लाटू पाहात असल्याचे विराज देसाई यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
