वास्कोतील भाजपा उमेदवार कृष्णा साळकरांचा जाहीरनामा सादर

अत्याधुनिक सुविधांनी युक्त बसस्थानक, सुसज्ज मासळी मार्केट प्रकल्प, मॉर्डन मार्केट, मायमोळे, भुटेभाट मैदान, मायमोळे, सासमोळे लेक, युवकासाठी नोकऱ्या, पाण्याची व्यवस्था आदी तेरा कलमी जाहीरनामा वास्कोतील भाजपचे उमेदवार कृष्णा साळकर (krishna salkar) यांनी सादर केला.

यावेळी भाजपचे वास्को गटाध्यक्ष दीपक नाईक, राज्यकारणी सदस्य जयंत जाधव, नगरसेवक तथा युवा गटाध्यक्ष अमेय चोपडेकर, नगरसेविका शमी साळकर, माजी उपनगराध्यक्ष लविना डिसोझा, माजी नगराध्यक्ष फियोला रेगो, महिला मोर्चा अध्यक्ष पूजा नाईक आदी उपस्थित होत्या.

जाहीरनामा प्रसिद्ध केल्यानंतर आयोजित पत्रकार परिषदेत बोलताना साळकर यांनी सांगितले की हा जाहीरनामा नमूद केलेले सर्व प्रकल्प येत्या पाच वर्षात या ठिकाणी राबवण्यात येणार असल्याचे सांगितले. गेल्या दहा वर्षात हे प्रकल्प रखडत आहे, याला जबाबदार गेल्या दहा वर्षात या मतदारसंघाचे प्रतिनिधित्व करणारे लोकप्रतिनिधी असल्याचे ते म्हणाले. त्यामुळे वास्को शहर बरेच मागे राहिले आहे. भाजपच्या माध्यमातून या मतदारसंघाचा विकास केला जाईल असे साळकर शेवटी म्हणाले.

यावेळी वास्को (Vasco) भाजप गटाध्यक्ष दीपक नाईक यांनी बोलताना या जाहीरनाम्यात नमूद केलेले सर्व विकास प्रकल्प टप्प्याटप्प्याने पूर्णत्वास आणले जाईल. यात बस स्थानक तसेच मासळी मार्केट प्रकल्प हा मुख्य आहे. भाजपच्या (BJP) माध्यमातूनच हे प्रश्न सुटणार असल्याचे दीपक नाईक यांनी सांगितले व येणाऱ्या काळात वास्को शहराचा कायापालट होणार यात शंकाच नाही.