BITS Goa Waves 2023 Festival: बिर्ला इन्स्टिट्युट ऑफ टेक्नॉलॉजी अँड सायन्स (BITS) गोवातर्फे यंदाच्या 'वेव्हज 2023' या फेस्टिव्हलचे आयोजन करण्यात येणार आहे.
या फेस्टिव्हलमधील बॉलीवूड नाईट कार्यक्रमासाठी संगीतकार अमित त्रिवेदी येणार आहे. तर गोवा इंडि नाईटसाठी हेडलाईन अ‍ॅक्ट म्हणून 'व्हेन चाय मेट टोस्ट' असणार आहे.
'वेव्ज' हा BITS पिलानी, केके बिर्ला गोवा कॅम्पसचा वार्षिक तीन दिवसांचा सांस्कृतिक महोत्सव आहे. तो यंदा 27, 28 आणि 29 ऑक्टोबर रोजी आयोजित केला जाणार आहे.
कार्यक्रमाची सुरुवात कॉमेडी नाईटने होईल. सुप्रसिद्ध स्टँडअप कॉमेडियन अभिषेक उपमन्यू यात असणार आहे. त्याच दिवशी, BITS गोवा इंडी नाईटसाठी हेडलाइनिंग अ‍ॅक्ट म्हणून 'व्हेन चाय मेट टोस्ट' देखील सादर होणार आहे.
तसेच अमित त्रिवेदी एका बॉलीवूड नाईटसाठी उपस्थित राहणार आहे. संस्था या सांस्कृतिक महोत्सवातील इतर कार्यक्रमांचे आयोजन करत आहे. त्यात मिस्टर अँड मिस वेव्हज, नाट्यांजली, फॅशन परेड आणि सीरॉक असे कार्यक्रम या तीन दिवसांत होणार आहेत.
BITS चा हा वार्षिक सांस्कृतिक महोत्सव सामान्यतः ऑक्टोबरच्या उत्तरार्धात किंवा नोव्हेंबरच्या सुरुवातीच्या काळात आयोजित केला जातो. या सांस्कृतिक महोत्सवात संगीत, नृत्य आणि इतर कलांचे कार्यक्रम असतात.
बिर्ला इन्स्टिट्यूट ऑफ टेक्नॉलॉजी अँड सायन्स, पिलानी (राजस्थान) चा गोवा कॅम्पस हे गोव्यातील BITS पिलानीच्या पाच घटक कॅम्पसपैकी एक आहे. BITS गोवा ची स्थापना 2004 मध्ये करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
