Mapusa News : झाडांवर खिळे मारून जाहिरातींचे फलक! व्यावसायिकांवर कारवाई करावी

Mapusa News : म्हापसा, पंचायत कार्यक्षेत्रातील विविध झाडांवर जाहीरात फलक खिळ्याने ठोकून तसेच तारेने बांधून झाडांची हानी करून जैवविविधतेचा र्हास करण्याचा प्रयत्न केला.

तसेच परिसराचे विद्रूपीकरण केल्यामुळे व्यावसायिकांविरुद्ध पर्यावरण रक्षण कायद्याअंतर्गत कारवाई करावी, अशी तक्रार हणजूण कायसुव जैवविविधता व्यवस्थापन समितीने पोलिसात केली आहे.

या तक्रारीची प्रत हणजूण कायसुव पंचायतीला देण्यात आली आहे. या तक्रारीसोबत झाडांवर खिळे मारून जाहीरात केलेले फोटोही जोडले आहेत.

सुमारे वीस हॉटेल व्यासायिकांनी तसेच इतर व्यासायिकांनी या पंचायत क्षेत्रातील रस्त्याच्या बाजूला असलेल्या झाडांना खिळे ठोकून आपल्या जाहिरातीचे फलक लावले होते. यामध्ये डायस पूल क्लब अँड बार, अलगा मसाज, माहे,

कोरूम, हाऊलिंग वॉल्स, पर्पल मार्टिनी, किट्टी पॉवर, वॉशिंग लॉन्ड्री, आयुर ग्लो, बिलिव्ह, जस्ट, फेलिक्स क्लब, मेक्सिकोला, गो एशियन स्पा, पाझ गोवा, कुका बुरा कॅफे, रापोसा रिसॉर्ट, कोलीना बार अँड किचन आदी आस्थापनांचा समावेश आहे.