पर्वरी येथे कदंब डेपोकडे जाणाऱ्या सिग्नल जवळ दुचाकी आणि चार चाकी इनोवा यांच्यात अपघात झाला आहे. हा अपघात रात्री 8 च्या दरम्यान झाला असुन यात दुचाकी चालक गंभीर जखमी झाला आहे. अपघावेळी दुचाकी चालकाच्या पायाची बोटे तुटली असुन चार चाकी चालक फरार झाला असल्याची माहिती प्रत्यक्षदर्शींनी दिली. असे असले तरी या अपघातातील जखमींची नावे अथवा मिळू शकलेली नाही.
(Bike rider seriously injured in an accident at Porvorim)
याबाबत प्रत्यक्षदर्शींनी दिलेल्या माहितीनुसार हा अपघात इतका गंभीर होता की, यामध्ये दुचाकी आणि चार चाकी इनोवा यांच्यात टक्कर होताच दुचाकी चालक काही सेकंदात सहा ते सात वेळा गोल फिरत रस्त्याच्या बाजूला फेकला गेला. आणि त्याच्या पायाची बोटे तुटून गेली. या अपघातातील दुचाकी चालकाने हेल्मेट घातले नसल्याचे प्रत्यक्षदर्शींनी सांगितले.
अपघात घडल्यानंतर जखमी दुचाकी चालकाला जिल्हा रुग्णालयात उपचारासाठी दाखल करण्यात आले असुन, त्याची प्रकृती सध्या स्थिर आहे. तसेच चार चाकी वाहनातील चालक फरार झाला झाला असुन अपघातावेळी या रस्त्याची वाहतुक काही वेळ ठप्प झाली होती. यामुळे रस्त्याला वाहनांच्या रांगाच रांगा दिसत होत्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
