बोरी: पारपतीवाडा-बोरी येथे शनिवारी दुपारी मालवाहू ट्रक आणि दुचाकी यांच्यात झालेल्या भीषण अपघातात नितीन वैकुंठ गावडे (३२) या दुचाकीस्वार युवकाचा जागीच मृत्यू झाला. हेल्मेट परिधान केलेले असतानाही त्याचा जीव वाचू शकला नाही.
अपघातानंतर ट्रकचालक राजेश कुमार (बिहार) हा ट्रकसह पसार झाला; मात्र पोलिसांनी त्याचा शोध घेऊन त्याला ताब्यात घेतले आहे. हा अपघात शनिवारी दुपारी सव्वातीनच्या सुमारास घडला.
बेळगावच्या दिशेने भरधाव वेगाने जाणाऱ्या मालवाहू ट्रकने विरुद्ध दिशेने येणाऱ्या दुचाकीला (जीए-०५-के-०४१५) जोरदार धडक दिली. त्यात नितीन गावडे याचा जागीच मृत्यू झाला. घटनेची माहिती मिळताच फोंडा पोलिस घटनास्थळी दाखल झाले.
पोलिसांनी पंचनामा करून मृतदेह वैद्यकीय तपासणीसाठी पाठवून दिला. या प्रकरणाचा पुढील तपास पोलिस निरीक्षक मोहन गावडे यांच्या मार्गदर्शनाखाली सुरू आहे. या अपघातामुळे रस्त्याच्या दोन्ही बाजूंना वाहनांच्या रांगा लागल्या होत्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
