शिगाव मिरियम फार्मजवळ रस्त्यालगतच्या वीज खांबाला पल्सर दुचाकीची धडक बसल्याने कुळे येथील दुचाकीस्वार अनीष कुजूर (वय 21वर्षे) याचा जागीच मृत्यू झाला. कुळे पोलिसांनी दिलेल्या माहितीनुसार, अनीष कुजूर हा शिगावहून कुळेच्या दिशेने जात होता.
मिरियम फार्म येथे ताबा सुटल्याने रस्त्यालगतच्या वीज खांबाला दुचाकीची जोरात धडक बसली. त्यावेळी डोके आपटल्याने त्याचा जागीच मृत्यू झाला. अनीषचा मृतदेह उत्तरीय तपासणीसाठी मडगाव सरकारी
इस्पितळात पाठविला आहे. कुळेचे पोलिस निरीक्षक सगुण सावंत यांच्या मार्गदर्शनाखाली उपनिरीक्षक सदानंद देसाई अधिक तपास करत आहेत.
उत्कृष्ट फुटबॉलपटू हरपला
अनीष हा या भागात उत्कृष्ट फुटबॉलपटू म्हणून परिचित होता. कुळे गावात होणाऱ्या फुटबॉल लीगमध्ये शिव शंकर संघाचा आयकॉन खेळाडू म्हणून खेळला होता. त्याच्या निधनामुळे या भागात हळहळ व्यक्त करण्यात येत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
