Goa Accident Case: डिचोली येथील व्हाळशी आयटीआयसमोर प्रवासी बस आणि दुचाकी यांच्यात झालेल्या भीषण अपघातात आनंद नाईक (रा. बोर्डे) हे पन्नाशीतील इसम ठार झाला. ‘हाऊ’ या टोपणनावाने ते परिचित होते. हा अपघात आज सोमवारी सायंकाळी सव्वासातच्या सुमारास घडला.
मिळालेल्या माहितीनुसार, म्हापशाहून होंड्याला जाणारी ‘रेश्मा’ नामक प्रवासी बस (जीए 04 टी 2096) व्हाळशी येथील आयटीआयसमोर पोचताच डाव्या बाजूने हाऊसिंग बोर्ड वसाहतीतून अचानक मुख्य रस्त्यावर आलेल्या मोटरसायकलला (जीए 04 डी 4650) जोरदार धडक बसली. त्यात मोटारसायस्वार आनंद नाईक हे ठार झाले.
जवळपास अर्धा तास ते रस्त्यावरच पडून होते. नंतर पोलिसांच्या रोबोट वाहनातून त्यांना डिचोली सामाजिक आरोग्य केंद्रात नेले असता, तेथील डॉक्टरांनी त्यांना मृत घोषित केले.
याच रस्त्याने घेतला होता भावाचाही बळी
मृत्यूचा सापळा बनलेल्या बोर्डे-व्हाळशी या रस्त्याने गेल्या महिनाभरात दोघांचे बळी घेतले. गेल्या सात वर्षांत या रस्त्याने अकरा जणांचे बळी घेतले आहेत. विशेष म्हणजे आज अपघातात बळी पडलेले आनंद नाईक यांच्या भावाचाही काही वर्षापूर्वी याच रस्त्यावर अपघातात बळी गेला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
